Seite 4 - Ratzengässler 2013

Liebe Fasnächtlerinne und Fasnächtler
Scho bald isch es wieder sowit und d‘Fasnacht übernimmt am 07.Februar 2013
d’Regierig vo Spreitebach und das unterem Motto „Route 66“. Au das Jahr
fangts mit de Regierigsübernahm am Schmudo a und gaht bis zur 9. Gugge-
Party. Damits bi eus i de Thurnhalle Boostock au richtig Fasnacht isch, sind ihr
gfraget, denn nur mit eune Verchleidige wird’s so richtig toll.
Ich möchte mich a dere Stell im Name vom ganze OK-Fasnacht bi allne
Spender und Inserente bedanke.
Aber de grösti Dank gaht an all die freiwillige Hälfer, wo eus bi allne Aläss wie
au i de Vorbereitige unterstütze denn ohni Euch wärs nöd möglich die Fasnacht
chöne durezführe.
So; jetzt wünsch ich Eu viel Spass bim Läse und bis bald ade Fasnacht!
Eue OK-Präsi
Beat Amsler
ACHTUNG, ACHTUNG
Euses Ratzlilkonto isch am Verhungere!
Unbedingt füettere;ratzengaessler@braeusi-voegel.ch
Hänket die Adrässe an Chüelschrank und sobald öper im Umfäld en
Seich ablaht, schriebet grad es Mail.
Mir Redaktore wäret froh über jede Bietrag, er muess au nöd dichtet si,
denn für das händ mir eusi Dichter, wo all Jahr eusi Versli brünzlet.
04